Home
2013-2014 DENBORALDIKO FINALA

Bigarrengoz jarraian, Dribling taldea izan da Zaldibarko txapelduna (5-2)

Jagoba Domingo (GOIENA)

Dribling izan da Zaldibarko futbol txapelketa irabazlea Sonografosen aurka 5-2 irabazi ostean. Hirugarren postua Aldatz taldeak lortu du Haizea's Weah-ri 3-1 irabazita.

Azken urtetako bi txapeldunak finalean neurtu dira eta partidua bizi hasi arren, uste baino errazago irabazi dute Driblingekoek. Urtero bezala, harmailak jendez beteta egon dira eta lehenengo zatian norgehiagokak ez du jabe argirik izan. Partidua hasi eta minutu gutxira aurreratu dira markagailuan Driblingekoak Matalobosen gol bati esker. Hala ere, Sonografosekoek ez dute lorik hartu eta banako berdinketa lortu du Muruak, Pitu-k eragindako penaltia aprobetxatu ostean. Hurrengo kolpea Ibaiek eman du zelaiaren punta batetik jaurti eta Driblingeko atezaina ustekabean harrapatu ostean. Gol horrek aurretik jarri ditu Dat eta Taupa tabernetako ordezkariak, baina pozak ez die luzaro iraun. Izan ere, kantxa erditik atera eta berehala, berdinketa lortu dute Driblingekoek. Atsedenaldira 3-2ko emaitzarekin joan ziren.

Bigarren zatia hasi bezain laster 4-2koa jarri dute markagailuan Driblingekoek, korner batean Sonografosekoen defentsaren huts baten ondorioz. Sonografosekoek halabeharrez, erasoan saiatu dira, eta aukerak sortu arren, ate aurrean ez dute zorterik izan. Aipatzekoa ere txapeldunen atezainak egindako partidua, ate azpian jokalariei beharrezko konfiantza ematen. 5-2koak partidua erabakita utzi du, eta Sonografosekoek buruarekin baino bihotzarekin saiatu arren, Driblingek bigarren urtez jarraian lortu du txapela.

 

Liga Errregularreko txapelduna: Dribling. 
 
Fair Play saria: Birigarruak. 


Kopako txapelduna: Dribling


4a Aldatz 

3a Haizea's Weah

2a Sonografos

1a Dribling

Aurtengo jokalari nabarmenak hauek izan dira antolakuntzaren iritziz:
Atezaina: Mikel Aranbarri (Cantauri)
Jokalariak: Joseba Errasti-(Txitxo) (Aldatz), Jon Loiti (Sonografos), Asier Manso (Dribling), Iban Garai-(Muxi) (Iluntz) eta Beñat Korkuera (Haizea's Weah)
 
Pitxitxi: Jonathan (Haizea's Weah) 28 gol
 
Datorren denboraldirarte!!!

 

 

 

 

 

FINALA 2014

 
2013-2014 LIGAKO FINAL ERDIAK

Sonografos eta Dribling-ek jokatuko

dute aurtengo finala

 

Zapatuan emozio handiko finalerdiak jokatu zituzten. Sonografosi asko kosta zitzaion Aldatzi irabaztea, eta Dribling-ek eta Haizeak zaleek denbora luzez gogoratuko duten partidua jokatu zuten.

595 (id: 3013091)

Testua: Mikel Arregi Askasibar (MONDRABERRI) / Argazkiak: MAA / 2014ko ekainaren 1a, domeka



Zaldibarko bi klasikok, Dribling eta Sonografosek jokatuko dute 2013-2014 txapelketako finala. Atzo goizez jokatu ziren finalerdiek sorpresa gutxi eman zituztela badirudi ere, atzo oso bestelako kontuak izan zituzten Zaldibarren. Finalera sartzeko grinez, kanporaketa parekatu eta borrokatuak jokatu zituzten lau taldeek.

Lehenengo kanporaketan Aldatz eta Sonografosek neurtu zituzten indarrak. Aldatz markagailuan aurretik jartzea lortu zuen, erasoan izan zituen aukerak baliatu zituen eta atzean berriz gogor aritu zen. Sonografosek bigarren zatian neurriko erantzuna eman zion Aldatzi, eta margailua iraultzea lortu zuen. Azkenean 6-3ko emaitzarekin Sonografosek lortu zuen finalerako txartela.

Bigarren kanporaketa lehenengoan baino emozio gehiagokoa izan zen. Partidua hasi eta berehala, denboraldiko ezusteko taldea izan den Haizeak estu hartu zuen Dribling. 3-0eko emaitzaz aurretik jartzea lortu zuten Haizeakoek, baina Dribling ez zegoen partidua oparitzeko asmotan. Beteranoek, lasai jokatzen dakitela erakutsi, eta pixkana aldea murriztea lortu zuten. Partidua amaitzeko 5 minuturen faltan 4-4ko berdinketa lortu zuen Dribling-ek, eta luzapenera joan ziren bi taldeak. Hemen, Dribling-ek 5-4koa sartu zuen; eta partidua beraien alde joango zela zirudienean, Haizeak 5-5eko sartu zuen. Penaltietan Dribling-ek irabazi zuen finalerdia.

Sonografos eta Driblingek jokatuko dute aurtengo finala beraz. Azpian daukazue atzoko finalerdietan batutako irudiekin osatutako argazki galeria.

 

Finalerdiak 2013-2014

 
GOLEATZAILEAK 2013-2014
GOLEATZAILEAK GOLAK
1 Jonathan (Haizea) 27
2 Jeronimo(Sport in tus bragas) 24
3 Beñat Korkuera (Haizea) 22
4 Mora (Lasagabaster) 22
5 Muxi (Iluntz) 21
6 Txitxo (Aldatz) 20
7 Tito (Dribling) 20
8 Asier (Dribling) 20
9 Loiti (Sonografos) 18
10 Ruben (Ostantz) 18
11 Murua (Sonografos) 17
12 Macias (Sport in tus bragas) 16
13 Omar (Ostantz) 16
14 Mikelo (Abokajarro) 15
15 Jorge (Dribling) 15
16 Ramon (Betrayer) 15
17 Omar (Fidel) 14
18 Aitzol (Iluntz) 13

2014/05/28an eguneratua.

 
«HasieraAurrekoa12HurrengoaAmaiera»

JPAGE_CURRENT_OF_TOTAL
 

Fair Play saria

 

14240